%20(1).png)
🥶🥶踏入2021年以黎，受寒風影響下，每日天氣都異常地凍，唔少山上地區更雪窖冰天🥶🥶，只有幾度。今次小編要介紹充滿平路、老少咸宜嘅行山路線-由粉嶺鹿頸走至谷埔步道。
除咗拎暖蛋同著多件衫，唔少市民都會選擇做運動出身汗，行山成為左熱門選擇，而兩位藝人李施嬅同余香凝更率先喺元旦遠足。
😍首先，出發前往鹿頸非常容易，只需喺粉嶺火車站C出口小巴站坐56K綠van到總站就得。到逹鹿頸嘅發記士多茶座後，沿住「發記」招牌轉左行入去，就係今次既遠足路線「吊燈籠徑」。沿住「籠徑」前行，穿過民居後， 等住大家嘅係一望無際綠悠悠青翠欲滴嘅小型紅樹林，加上對面沙頭角紅花嶺山景斑斕倒影，形成一幅令人如痴如醉構圖❤️❤️❤️❤️。
喺藍天碧水，樹影婆娑，濃郁菖蒲倒影下前行，近觀喬木灌木組成嘅「綠海」😍😍，遠觀沙頭角海同深圳鹽田區。再往前行，會遇到呢條遠足徑唯一的樓梯，過了樓梯，兩旁係巨大古樹同一大片草原，最適合一家大細野餐，共聚天倫。沿着海邊繼續前行，就係鳳坑村。村外蘆葦田充滿農村風味，對生活節奏急促嘅香港人黎講，係一個理想調劑品。到達今次旅程目的地谷埔前，有一間豆腐花檔，行到攰嘅朋友，可以一路欣賞谷埔村嘅良辰美景；一路食碗豆腐花，算係一種另類「享受」。群山環繞下，山中一大片蘆葦田隨風起舞，加上可以環抱錦繡河山，波光粼粼，令人忘記所有煩囂。
Copyright: iPYGG
（編者註：如果讀者對美食，旅行，娛樂或任何有趣的事情有任何建議，請隨時告訴我們〜您可以使用Facebook inbox或發送電子郵件至info@ipygg.com）
Comments