%20(1).png)
12月，係其中一個最多人喜愛嘅月份，唔單只係因為聖誕節，仲係大家準備迎接新一年，對未來充滿期待嘅一個時刻。偏偏大事大節之前，係情侶們分手嘅高峰期，為咗讀者們喺呢個敏感時間同另一半感情穩定啲，小編會同大家分享一個令感情更穩定嘅方法-與伴侶共同理財嘅五個方向。
要將關係昇華，便要將理財目標達成一致
一段感情入面，一開始既時候永遠都係好閃，但熱戀期過後，就會慢慢變淡🥲🥲😭。要走落去，就要識得將關係昇華😎😎，而其中最重要嘅一個元素，就係理財方面要達成一致目標，包括以下五個方向：
1/ 財務目標一致
喺香港呢個樓特別貴既大環境下，買樓上車係大部份人既畢生心願。而部份人既伴侶心願係籌備大學基金比未來嘅仔女。平心而論，呢兩個都係長遠嘅目標，唔會有高低之分。情侶們需要做既係達成一致目標😎😎，將目標分清優先次序，令雙方達致雙贏局面。
2/設立消費上限
無論一對情侶關係有幾sweet都好，喺現實世界，衣食住行樣樣都係錢。如果只求浪漫，隨意揮霍，就會輕易成為月光族，所謂貧賤夫妻百事哀😭😭，如果冇固定嘅消費上限，將來嘅生活會好冇保障，所以情侶們一定要設立消費上限。
3/開設聯名戶口
以前老一輩嘅媽媽將一套綁實男人嘅理論掛喺口邊-「開設聯名戶口」。雖然呢個方法聽落有啲老土，但事實上，咁樣做唔單止可以肯定雙方關係增加安全感🥰，仲可以令雙方覺得大家喺財政上同步。試諗下，一個聯名戶口可以俾大家清楚睇到現金流入，支出同財務預算，透明度大增。
4/將儲蓄一半合併
頭先提到既開設聯名戶口雖然有唔少好處，但係執行上，仍然有缺點。如果情侶們都將所有儲蓄all in擺喺聯名戶口，對於一啲需要私人空間既人黎講，佢哋會say no,所以小編建議couple 只將一半儲蓄放入聯名戶口。
5/一齊訂立退休計劃
而家有唔少年青人比較早熟，除咗吃喝玩樂，會一早計劃退休。對於後生仔女黎講，退休好似係一件遙不可及嘅事，但係如果連一件咁遙遠嘅事都咁早就同另一半plan定，變相係同伴侶講，你係我未來重要嘅一部分❤️❤️🥰🥰。
Copyright: 狗把刀@iPYGG
（編者註：如果讀者對美食，旅行，娛樂或任何有趣的事情有任何建議，請隨時告訴我們〜您可以使用Facebook inbox或發送電子郵件至info@ipygg.com）
iPYGG APP@即將推出！
真正屬於年輕人的智能理財系統 集中管理銀行帳戶及提供理財建議 將儲蓄、理財、投資變得簡單亦可靠
Comments