【Moneyman財子】M17創辦人潘杰賢關關難過關關過！創業成功三十六歳退休的故事

2020喺世界大事既影響下，導致經濟不景，各行各業大受打擊，百廢待興。喺呢個環境下，失業率大升，唔少市民搵唔到工，有啲會毅然選擇創業，雖然呢條路絕對唔易行，但係人冇夢想同鹹魚有咩分別？今次小編會同大家分享一個創業成功，三十六歳退休嘅故事，希望大家可以從中得到鼓舞💪🏼💪🏼。

---

M17創辦人-潘杰賢(Joseph Phua)來自一個企業世家，大學時期去美國紐約史騰商學院取得金融學士，訓練出厲害既商業頭腦，跟住無耐喺芝加哥攞埋工商管理碩士。喺出發之前，仲喺麥肯錫公司同花旗銀行工作，被冠以「人生贏家」的稱號。

但係好景不常，被拍左八年拖既女友擲煲，令佢覺得「機會係需要自己創造」😎😎，所以佢喺2013 年創立交友軟體Paktor，宗旨係透過科技連結亞洲單身人口，並提供人與人之間客製化且有意義嘅交流。經歷咗初步嘅考驗之後，2015年，由線上走到線下，推出「Paktor Premium拍拖約會吧」實體約會服務，透過大數據資料庫100%精準配對，提供戀愛顧問一對一深度面談同拍拖約會教室講師群嘅專業協助，幫助會員由內到外提升自我，增加搵到另一半嘅機會。2016年，僅僅用左三年嘅時間，得到大概10億台幣融資，資本總額去到20億台幣😲。

Joseph 唔單止勇於創業,仲好肯提攜後輩。「世有伯樂，然後有千里馬」，喺2017年，兩位台灣大學生Howard同Andy,覺得大部份交友app缺乏心靈溝通，以貌取人，速度好慢，於是提出「說」呢個匿名配對機制。喺過程中，佢哋寄出一個簡短嘅訊息俾Paktor客服，意想不到嘅係，Joseph親自回覆佢哋,經過幾次洽談後，語音通訊交友app<Goodnight>正式加入Paktor旗下。喺同年，推出「HEDER」男同志實體約會服務， 透過專業約會顧問與大數據系統 ，協助同志搵到最適合自己個性同條件需求嘅穩定交往對象。

2020年，Joseph得到啟發，將時間抽多啲嚟陪屋企人😎,先將Paktor同Goodnight 賣俾新加坡投資公司KV,而喺八月，佢仲讓出CEO位置，成為非執行主席，進入半退休狀態，提早享受人生🤤🤤。只係短短三十六年，Joseph已經經歷過人生嘅高低起伏，依家開展人生嘅另一頁，小編希望大家睇完佢勵志嘅故事，可以得到鼓舞，為自己嘅前途奮鬥💪🏼💪🏼。

Copyright: iPYGG

（編者註：如果讀者對美食，旅行，娛樂或任何有趣的事情有任何建議，請隨時告訴我們〜您可以使用Facebook inbox或發送電子郵件至info@ipygg.com）