%20(1).png)
喺香港，相信唔少上班一族每日返工前都會有個惡夢-塞車。打工仔們用一個鐘返到公司，已經屬於幸運一族，因為不幸嘅，隨時要用兩個鐘甚至更長時間😅😅。而呢個問題唔單止係香港嘅問題，全世界有唔少地方都面對這個嚴重問題。喺塞車問題日益嚴重之下, 世界各地都不斷諗方法，甚至嘗試引進最新科技，由載具電動化、推動共享概念、到開放無人車上路等都有，而今次小編要介紹嘅係Elon Musk 創立嘅Boring Company-超級隧道計劃。
Boring公司喺2016年12月創立，創辦人Elon Musk因難忍洛杉磯嘅塞車問題，多次以「摧毀靈魂（soul destroying）」🤦🏼♀️🤦🏼♀️黎形容塞車慘況，毅然創造出超級隧道計劃。計劃嘅初衷，係要大幅度提昇運力，以無人駕駛全自動化嘅概念，一系列高科技系統，將乘客們迅速由A點送到B點，提升交通嘅大運量，革新城際交通運輸問題。
除左解決塞車問題外，隧道系統亦舒緩到環保問題。由於所有車輛都採用電力供應，令整個系統喺地下幾乎唔會產生任何污染物排放，同時亦會大幅緩解地面同天空污染。
事實上，佢哋面對住好多唔同挑戰，第一點係安全風險問題。Boring 公司會採用自研既隧道挖掘機，開掘更細直徑既隧道口，會令到隧道中汽車通路變得特別窄。如果出現故障，交通系統停滯，滯留喺運載車輛中的乘客幾乎冇逃生通道。Boring公司需要搵到解決方案，去避免呢個安全風險問題。
第二點係如何做好車站停車位嘅靈活調度。Boring 公司採用自動駕駛技術，令隧道中車輛保持極小間距，增加車輛密度。雖然解決左車距問題，但喺車輛到達站點後，必須確保唔會出現塞車排隊問題，如果唔係路途慳到嘅時間，又會被浪費左。
最後一點係如何同現交通系統打通同切換。按照Boring公司Loop系統計劃，需要喺城市設置一千多個站點。如何規劃站點同現有嘅公共交通、道路銜接會係一個重要課題。 面對越趨嚴重全球暖化危機，減少碳排放已經成為一個必然大趨勢，加上可以大幅舒緩大城市塞車問題，超級隧道計劃定必成為未來規劃交通嘅主流。😎😎
Copyright: iPYGG
（編者註：如果讀者對美食，旅行，娛樂或任何有趣的事情有任何建議，請隨時告訴我們〜您可以使用Facebook inbox或發送電子郵件至info@ipygg.com）
Comments