【福虎賀歲 迎新送舊】10個必須知道的農曆新年禁忌

農曆新年仲有唔夠一個星期就到啦，唔知係疫情底下嘅新年大家會點過呢🙈🙈

開心迎接新年嘅同時，有啲傳統新年禁忌都要特別注意，如果唔係做左可能會衰一整年😲

今日就同大家講10個一定要知道嘅新年禁忌，睇完要好好記住唔好犯啦😈😈😈

嚟到虎年係到祝大家日日好似老虎咁醒神，虎氣沖天 !

---

禁忌1.年初一忌早上洗澡洗頭

年初一當日朝早洗澡和洗頭會將財富同財運都洗走，所以記得前年廿九記洗左先😮‍💨

禁忌2.年初一忌打破東西 記得將所有易碎嘅杯杯碟碟、瓷器等物品小心擺放!特別係屋企有小朋友或者竉物嘅朋友~~

因為如果年初一當日打破東西會每整年破財破運，如果真係唔小心打破，就要用紅色嘅紙包住，如果屋企有神位就將碎片放在係神枱上，等待年十五後再丟棄

禁忌3.年初一忌叫全名催人起床

平時心急嘅朋友注意啦，記住大年初一千奇唔好叫人地嘅全名催人起床

咁樣會令對方之後成年都被別人催促做事!!

禁忌4. 年初一早上忌食粥同藥

記住，以前人係因為貧窮先會食粥!所以年初一食粥，會有導致一整年都貧窮嘅意思😰😰啦隊

另外，初一忌殺生，所以盡可能都唔好食肉。仲有個日健康嘅人都不適宜吃任何藥物，無論係美白定維他命都唔好食啦~~

禁忌5. 年初一忌睡午覺

年初一最忌「懶懶閒」，所以如果係大年初一瞓午覺會影響事業運!!

禁忌6. 年初一忌掃地

傳統認為每家每戶都藏有福氣同財運，如果係初一掃地或倒垃圾，會將財神爺送走，亦會掃走財富與好運，所以當天不能掉垃圾~~

禁忌7. 送禮要成雙成對

無論係去邊個屋企拜年嘅時候，送禮同派利是都要係雙數，如果係單數就會唔吉利，大家拜年嘅時候要注意啦，唔好得罪長輩🙈🙈

禁忌8.唔可以罵人或者講唔吉利嘅說話

新年要盡量講吉利嘅說話，唔可以鬧人或者講「死」字，唔係就會影響一整年運勢

禁忌9.欠錢不欠過年

過年係代表新一年開始，如果有任何拖欠人嘅野最好盡快解決，唔好留到下年

禁忌10.年初一不動利器

係傳統觀念中，刀同剪刀哩啲利器會係年初一收埋，因為怕如果係當日使用，

嚟緊哩一年會容易有皮肉之傷🩸🩸